દુષ્કર્મનો બનાવ રવિ અને સોમવારની રાત્રે એક વાગ્યાના અરસામાં બન્યો હતો. ગુનાનો ભોગ બનનાર યુવતી તેની માતા સાથે આડેસરમાં પેટ્રોલ પંપ પાસે આયોજીત ગરબી જોવા ગયેલી. રાત્રે સાડા બાર વાગ્યે માતા ઘરે પરત ફરેલી જ્યારે યુવતી ગરબી જોવા રોકાયેલી. અડધો કલાક બાદ યુવતી ઘરે પરત જતી હતી ત્યારે ઘર નજીક પેવર બ્લોકના કારખાના પાસે એકાએક તેને ચક્કર આવતાં કારખાના બહાર પડેલાં કપચીના ઢગલાં પર બેસી ગઈ હતી.

પ્રવિણે સંજય અને ભરત બેઉને રૂમમાંથી બહાર કાઢી મૂકીને રૂમનો દરવાજો બંધ કરી દઈ યુવતીને ગાળો ભાંડીને તેની મરજી વિરુધ્ધ દુષ્કર્મ આચર્યું હતું.

ઘટના બાદ ડરી ગયેલી યુવતી રાડારાડ કરતી ઘરે દોડી ગયેલી. રાત્રે જ માવતરને સમગ્ર ઘટના અંગે જાણ કરેલી અને બીજા દિવસે માવતર સાથે પોલીસ મથકે આવી પ્રવિણ વિરુધ્ધ ફરિયાદ નોંધાવી હતી. આરોપીને પકડવામાં આડેસર પીઆઈ જે.એમ. વાળા તથા પોલીસ સ્ટેશનના સ્ટાફે ભારે દોડધામ કરી હતી.