અહીં નંબર વગરની વર્ના કારમાં આવેલાં બે શખ્સો તેમને ડુંગરીના રોલા વિસ્તારમાં આવેલી અમ્પાયર હોટેલના ખૂલ્લાં પાર્કિંગમાં લઈ ગયેલાં. જ્યાં કચ્છ પાસિંગની GJ-12 DM-1165 નંબરની સ્વિફ્ટ કારમાં આવેલા શખ્સો વર્ના કારના ડ્રાઈવર પાસેથી ફરિયાદીએ આપેલ ૯.૮૦ લાખ રૂપિયા ભરેલી બેગ લઈને એક પાર્સલ આપી રવાના થઈ ગયાં હતાં.

૫ ફેબ્રુઆરીના રોજ બનેલાં બનાવ અંગે જયેશે કોઈ ફરિયાદ નોંધાવી નહોતી. ૧૦ ફેબ્રુઆરીએ ચીટર ગેંગે તેને ફરી કરજણ ખાતે માલની ડિલિવરીના બહાને બોલાવતાં તેણે પોલીસ ફરિયાદ નોંધાવી હતી. બનાવ અંગે ડુંગરી પોલીસે ફરિયાદ નોંધી હતી અને તપાસ વલસાડ લોકલ ક્રાઈમ બ્રાન્ચને સોંપાઈ હતી.

ઝડપાયેલાં આરોપીઓમાં નઝીર ઊર્ફે ભજીયાવાલા હુસેનભાઈ મલિક (૬૫, રહે. આણંદ મૂળ રહે. રાજપીપળા, ભરુચ), ઝુબેર ઝાખરા (રાજુલા, અમરેલી), સૂરજ જ્ઞાનચંદ્ર ગુપ્તા (જલાલપોર, નવસારી, મૂળ રહે. યુપી) તથા ભુજના મામદ ઊર્ફે મજીદ ઊર્ફે અધો ઈસ્માઈલ ઊર્ફે ભુરો સુમરા (માલધારીનગર, કોડકી રોડ, ભુજ), અબ્દુલ હનાન અબ્દ્રેમાન ઈશાક થૈમ (સંજોગનગર, ભુજ), અબ્દુલ જુમા ઈસ્માઈલ નોતિયાર (વટાછડ, ભુજ) મામદ ચનેસર સુમરા (કુનરીયા, છછવાડી, ભુજ), મુસ્તાક ઉરસ લધુભાઈ નોતિયાર (ઝુરા, ભુજ)નો સમાવેશ થાય છે.

એલસીબી પીઆઈ ઉત્સવ બારોટ અને વલસાડ રૂરલના પીઆઈ બી.ડી. જીતીયાના માર્ગદર્શન તળે વલસાડ પીએસઆઈ જે.બી. ધનેશા અને તેમની ટીમે આ ચીટર ગેંગને ઝડપી છે.