પોણા ચાર વાગ્યે મુંબઈ છત્રપતિ શિવાજી મહારાજ એરપોર્ટ પર પ્લેન લેન્ડ થવાનું હતું. પાયલટે મુંબઈ એરપોર્ટ પર જાણ કરી દેતાં એરપોર્ટ પર ફૂલ ઈમરજન્સી જાહેર કરી દેવાઈ હતી.

પાયલટની કુશળતાના કારણે વિનાવિઘ્ને સરળતાથી પ્લેનનું લેન્ડીંગ થઈ જતાં ૭૫ પ્રવાસીઓના જીવમાં જીવ આવ્યો હતો. Q 400 ટર્બોપ્રોપ પ્રકારના આ પ્લેનને સલામતી ખાતર ટેક્સી વેમાં લઈ જવાયું હતું. કંડલા એરપોર્ટના રન વે પર છૂટું પડેલું ટાયર પણ મળી આવ્યું છે. સ્પાઈસ જેટે પ્લેનમાં ટેકનિકલ ફૉલ્ટ હોવાનું સ્વીકાર્યું છે. અમદાવાદમાં પ્લેન ક્રેશની દુર્ઘટનાનું હજુ કોઈ ચોક્કસ કારણ બહાર આવ્યું નથી. ત્યારબાદ પણ દેશમાં ઉડતાં અનેક પ્લેનોમાં અનેક વખત ગંભીર ટેકનિકલ સમસ્યાઓ સામે આવી છે. ત્યારે, આ ઘટનાએ વધુ એકવાર હવાઈ ઉડ્ડયન કરતાં પ્રવાસીઓમાં ગભરાટ ફેલાવી દીધો છે.