રસ્તામાં આવતાં નાનાં મોટાં ૪૯ રેલવે સ્ટેશન, ૫૭ રેડિયો કોમ્યનિકેશન ટાવર્સ અને ૭૦૦ કિલોમીટર લાંબા ઓપ્ટિકલ ફાઈબરના ઈન્ફ્રાસ્ટ્રક્ચરના સહારે ટ્રેન કવચથી સજ્જ થઈ છે. વડોદરાથી અમદાવાદ વચ્ચેના ૯૬ કિલોમીટરનું રેલવે ઈન્ફ્રાસ્ટ્રક્ચર છેલ્લાં એક વર્ષથી કવચથી સુસજ્જ છે. આમ, સયાજીનગરી વિરારથી અમદાવાદ સુધીના કુલ ૪૩૫ રૂટ કિલોમીટર પર કવચની સ્વચાલિત સુરક્ષા પ્રણાલિથી સજ્જ થઈ છે.

ટ્રેનો વચ્ચેના અકસ્માતોને અટકાવવા માટે ભારતીય રેલવેએ સ્વદેશી ધોરણે ‘કવચ’ સિસ્ટમને ડેવલોપ કરી છે. જીપીએસ, રેડિઓ કોમ્યુનિકેશન અને ટ્રેનમાં રહેલા ઓનબોર્ડ માઈક્રોપ્રોસેસરના સંકલનથી ટ્રેનને આ સુરક્ષા પ્રાપ્ત થાય છે. એન્જિન ડ્રાઈવરની માનવીય ભૂલથી ટ્રેન ભયજનક સિગ્નલ પસાર કરીને આગળ ધપે કે એક જ ટ્રેક પર બે ટ્રેન ધસમસતી સામસામે આવી જાય, ઓવર સ્પીડીંગના કારણે સુરક્ષા જોખમાય તેવા સંજોગોમાં ઑટોમેટિક રીતે ટ્રેન થોભી જાય છે.

આવા સંજોગોમાં લેવલ ક્રોસિંગ પર ટ્રેનની વ્હિસલ આપોઆપ વાગતી રહે છે. કવચ એક સ્વદેશી એડવાન્સ્ડ સેફ્ટી ટેકનોલોજી છે અને ખૂબ કિફાયતી છે.

તબક્કાવાર તમામ બ્રોડગેજ નેટવર્કમાં કવચ અમલી બનાવાશે. દેશમાં હાલ જુદાં જુદાં પાંચ રેલવે ઝોનમાં કુલ ૧૩૦૬ કિલોમીટરના ટ્રેકને કવચથી સજ્જ કરી દેવાયાં છે.