ગુનો નોંધ્યાં બાદ પોલીસે તપાસ હાથ ધરતાં આ ટોળકી સૌરાષ્ટ્ર તરફ નાસી ગઈ હોવાનું બહાર આવ્યું હતું. દરમિયાન, ચારે જણ લૂંટમાં વાપરેલી ક્રેટા કાર લઈને સોમવારે રાજકોટના જંક્શન પ્લોટ વિસ્તારમાં આવેલી ગેબનશાપીરની દરગાહે માથું ટેકવવા આવતાં હોવાની બાતમી મળતાં રાજકોટ SOGએ વૉચ ગોઠવી ચારેને દબોચી લીધાં હતાં.

પોલીસે પકડેલાં શખ્સોમાં રમજાન અને અમન ઉપરાંત અલીશા કરીમશા શેખ અને ઈસબશા અલીશા શેખનો સમાવેશ થાય છે. ચારેય જણ ભુજના સરપટ ગેટ નજીક તુલસી મિલ પાછળ આવેલા શેખ ફળિયાના રહેવાસી છે. રમજાન, અમન અને અલી અગાઉ પણ ચીટીંગ, મારામારી, ઘરફોડ ચોરી, ધાકધમકી સહિતના વિવિધ ફોજદારી કેસમાં પોલીસ ચોપડે ચઢી ચૂકેલાં છે.