એક વર્ષ અગાઉ મેટ્રિમોનિઅલ વેબસાઈટ મારફતે સૌમ્યાનો હિતેશ સાથે પરિચય થયેલો. હિતેશે મીઠી મીઠી વાતોમાં ભોળવીને તેનો વિશ્વાસ જીતી લીધો હતો. દરમિયાન, હિતેશે આપેલી સલાહ મુજબ સૌમ્યાએ ગઈ ૧૪ મેના રોજ ગાંધીનગરની ખાનગી હોસ્પિટલમાં બેરિયાટ્રીક સર્જરી કરાવી હતી.

હિતેશે જ સૌમ્યાના યુનિયન બેન્કના ખાતામાં કરાવેલી ૧૮.૧૫ લાખની એફડી બેન્કની મોબાઈલ એપના માધ્યમથી તોડીને ઓપરેશન અને દવાનો ખર્ચો હોસ્પિટલમાં ચૂકવ્યો હતો. આ સમયે તેણે યુક્તિપૂર્વક બાયોમેટ્રિક લૉકમાં પોતાની ફિંગર પ્રિન્ટને પણ એડ કરી દીધી હતી.

એટલું જ નહીં, સૌમ્યાના ક્રેડિટ કાર્ડમાંથી પણ હિતેશે ૮૭ હજારના ટ્રાન્ઝેક્શન કર્યાં હતા. આમ, હિતેશે વિશ્વાસ કેળવીને પોતાની જાણ બહાર ૧૩.૩૭ લાખ રૂપિયાની છેતરપિંડી કરી હોવાનું ફરિયાદમાં જણાવાયું છે.