મહારાષ્ટ્ર પોલીસે જણાવ્યું કે ત્રિપુટીએ ટેલિગ્રામ એપ મારફતે ફરિયાદીનો સંપર્ક કરી, ફોરેક્સ ટ્રેડિંગમાં  ઊંચુ વળતર મળવાની લાલચ આપીને ૧૫ જાન્યુઆરીથી ૯ ફેબ્રુઆરી ૨૦૨૪ના એકાદ માસના ગાળામાં કુલ ૨૮ લાખ રૂપિયા મેળવ્યાં હતાં. જો કે, ત્યારબાદ આ ત્રિપુટીએ ફરિયાદીને વળતર તો ઠીક પૂરી રકમ પણ નહીં ચૂકવીને ફ્રોડ કરેલું. ગુનો નોંધાયા બાદ પોલીસે જે બેન્ક ખાતામાં રકમ જમા થયેલી તથા જે ઈમેઈલ આઈડી પરથી મેઈલ મોકલાયેલાં તેની ટેકનિકલ વિગતો મેળવતાં આરોપીઓનું પગેરું ભુજ સુધી લંબાયું હતું.