હત્યામાં વાપરેલી છરી આરોપીએ ક્યાંથી ખરીદેલી? ગુના બાદ તેણે નવા કપડાં ખરીદીને ગુના સમયે પહેરેલાં કપડાં બદલી નાખ્યા હતા ત્યારે તે કપડાં તેણે ક્યાંથી ખરીદેલા? ગુના બાદ તેને કોણે આશરો કે મદદ કરેલી અને મદદ કરનારની સંડોવણી છે કે કેમ તે બાબતોની તપાસ કરવા માટે આરોપીની પ્રત્યક્ષ હાજરીની જરૂર હોવાનું જણાવી પોલીસે રીમાન્ડની માગ કરી હતી. ગુનો આચરતા અગાઉ આરોપીએ સાક્ષીની રેકી કરેલી ત્યારે તે ક્યાં ક્યાં ફર્યો હતો તે વિસ્તારોના સીસીટીવી ફૂટેજ કબજે કરવાના બાકી હોવાનું તેમજ તેના ફોનના સીડીઆરનું તેની હાજરીમાં એનાલિસીસ કરવું જરૂરી હોવાનું પણ પોલીસે જણાવ્યું હતું.