અદાણી ફાઉન્ડેશનના ચેરપર્સન ડૉ. પ્રીતિ ગૌતમ અદાણી અને ટ્રસ્ટી શિલિન આર. અદાણીએ ઉદઘાટન પ્રસંગે ટીમને અભિનંદન પાઠવ્યા હતા. ઉત્તરાયણના પતંગની જેમ મહિલાઓનો જુસ્સો પણ આસમાને જોવા મળ્યો હતો. મુન્દ્રાની તેજસ્વી સહેલી સ્વસહાય જૂથના પ્રમુખ મેઘના આહિરે જણાવ્યુ હતું કે  ૨૦૧૯માં જ્યારે અમારા માથે આફત આવી પડી ત્યારે અદાણી ફાઉન્ડેશન આશાનું કિરણ બની ગયું. અમારા જુસ્સાને આવકના સમૃદ્ધ સ્ત્રોતમાં ફેરવવા અદાણી ફાઉન્ડેશને ખૂબ મદદ કરી છે.

ફાઉન્ડેશનના એક્ઝિક્યુટિવ ડાયરેક્ટર વસંત ગઢવીએ જણાવ્યું કે કચ્છની મહિલા કારીગરોનું અદાણી કોર્પોરેટ હાઉસ સુધી પહોંચવું એ તેમની મહેનત અને દ્રઢ નિશ્ચયનું પ્રતીક છે. તેમના હસ્તકળા ઉત્પાદનોએ અમારા ઉત્તરાયણની ઉજવણીને વધુ રંગીન અને સાર્થક બનાવી છે.