જૂનાગઢના માળિયા હાટીના તાલુકાના જૂથળ ગામે રહેતાં ૬૫ વર્ષિય ફરિયાદી રાણીબેન રાજાભાઈ સોંદરવા જણાવ્યું કે તેમને સંતાનમાં બે પુત્ર અને ત્રણ પુત્રીઓ હતા. સૌથી મોટા પુત્ર માધાભાઈ અને તેનાથી નાની દીકરી લલિતાનું નિધન થઈ ચૂક્યું છે. નાનો પુત્ર માંગરોળમાં સપરિવાર રહે છે અને બે દીકરીઓ સાસરિયે સુખી છે. બે વર્ષ અગાઉ પતિનું મૃત્યુ નીપજ્યાં બાદ રાણીબેન ગામમાં એકાકી જીવન ગાળે છે.

ગત એપ્રિલ મહિનામાં આદિપુર રહેતી દિવંગત મોટા પુત્ર માધાભાઈની વહુ જ્યોત્સના પુત્ર કૃષિક સાથે લગ્નપ્રસંગે ગામમાં આવી હતી. સાસુના ખાતામાં પડેલાં નાણાં હડપ કરી જવાના આશયથી જ્યોત્સનાએ સાસુને ભોળવીને જણાવ્યું હતું કે માધાભાઈનો ઈન્સ્યોરન્સ મંજૂર થવાનો છે તેમાંથી તમને પણ રૂપિયા મળશે જે બેન્કમાં જમા થશે. નાણાંના વહીવટની સરળતા માટે જ્યોત્સનાએ સાસુને વિશ્વાસમાં લઈ તેમના બેન્ક ખાતાને જોઈન્ટ ખાતામાં તબદીલ કરાવી પોતાનું નામ ઉમેરી દેવડાવ્યું હતું.

આ અંગે જાણ થયાં બાદ રાણીબેને નાણાં પરત મેળવવા તેમને વિનવણીઓ કરી હતી પરંતુ વહુ અને પૌત્રએ નાણાં પરત આપ્યાં નહોતાં. હારી થાકીને પૈસા પાછાં મેળવવા તેમણે મે અને જૂલાઈ માસમાં પોલીસ મથકે ત્રણ અરજીઓ કરી હતી પરંતુ નાણાં પરત ના મળતાં અંતે ફોજદારી ફરિયાદ નોંધાવી છે.