ફરિયાદીએ જણાવ્યું કે દીકરો દીકરી બેઉ ગુજરાત બહાર વસવાટ કરે છે. પત્ની ઘરની બાજુમાં બ્યુટી પાર્લર ચલાવે છે. ૧૫ ફેબ્રુઆરીના રોજ જમાતખાનામાં ધાર્મિક પ્રસંગ હોઈ તેમના પત્ની ઘરેણાં પહેરીને ત્યાં ગયેલાં. બીજા દિવસે તમામ ઘરેણાં કાઢીને પત્નીએ બેડરૂમના કબાટમાં લોખંડની તીજોરીમાં રાખી દીધેલાં.

એટલું જ નહીં તીજોરીમાં રાખેલી રોકડ રકમમાંથી અમુક રૂપિયા ચોરાઈ ગયા હોવાનું જણાયેલું. કેટલાં રૂપિયા ચોરાઈ ગયા તેનો તેમને અંદાજ નથી.

આ ચોરી કોઈ જાણભેદુએ જ કરી હોવાની આશંકાના આધારે અત્યારસુધી તેઓ પોતાની મેળે તપાસ કરતાં હતા. આખરે તેમણે પોલીસનું શરણ લીધું છે. ભુજ બી ડિવિઝન પોલીસે અજાણ્યા શખ્સ સામે ચોરીનો ગુનો નોંધી તપાસ હાથ ધરી છે. પીઆઈ ધવલ ડી. શિમ્પીએ ચોરીના ગુનામાં જાણભેદુની સંડોવણી હોવાની આશંકા સાથે તપાસ હાથ ધરી છે.