જેના પગલે વાડીમાલિક નજીકના કોટડા (જડોદર) ગામે ખેતમજૂરી કરતા હેમલતાના પિતા દાનાભાઈ પારાધીને તેડવા માટે રૂબરૂ દોડી ગયો હતો. હેમલતાના પિતાએ બનાવ અંગે મોટા પુત્ર અશોક અને અંદાજે ૧૭ વર્ષના કિશોર વયના પુત્ર સામે મર્ડરની ફરિયાદ નોંધાવી છે.

થોડીવારમાં અન્ય સગાં સંબંધીઓ વાડીએ દોડી આવ્યા હતા.

સગાં સંબંધીઓએ વાડીએ હાજર અશોક અને તેના નાના ભાઈની પૂછપરછ કરતાં તેમણે જણાવ્યું હતું કે કેટલાંક સમયથી મમ્મી અમને અને પપ્પાને બોલાવતી ચલાવતી નહોતી. રસોઈ બનાવતી નહોતી કે કપડાં પણ ધોતી નહોતી.

ગઈકાલે રાતે સાડા બાર વાગ્યે ફોનમાં અજાણ્યા માણસ જોડે વાતો કરતી કરતી વાડીએ જતી હતી. તે જોઈને અમને બેઉ ભાઈઓને બહુ ગુસ્સો આવેલો અને પાછળ પાછળ જઈ તેનું ગળું દબાવી મારી નાખી.