ત્રણે દીકરી પરણીને સાસરે ઠરીઠામ થયેલી અને બે દીકરા મજૂરી અર્થે બીજે ગામ વસવાટ કરે છે. આઈશુબાઈ તેમના પંગુ પુત્ર નારાણ સાથે જતાવીરા ગામે રહે છે. પડોશમાં આઈશુબાઈનો દિયર હમીર રાણા કોલી તેની પત્ની શકીનાબાઈ તથા સંતાનો સાથે રહે છે.

તેમના ત્રાસથી દુઃખી મા દીકરા-દીકરીઓને ફોન પર વાતો કરીને વલોપાત વ્યક્ત કરી આ લોકોના ત્રાસથી હું મરી જઈશ તેમ વખતોવખત કહેતી રહેતી હતી. આઠેક માસ અગાઉ ભીખાએ કાકા કાકી માતાને ત્રાસ આપતાં હોવા અંગે નખત્રાણા પોલીસ મથકે અરજી આપેલી.

૩૦મી જૂલાઈના રોજ હમીર અને શકીનાએ વધુ એકવાર આ જ મુદ્દે ઝઘડો કરેલો. માતાએ રતનાલમાં ખેતમજૂરી કરતાં પુત્ર ભીખાને કૌટુંબિક ભાઈના ફોનથી વાત કરીને વ્યથા ઠાલવતાં ભીખો અને અન્ય ભાઈ ભાંડુઓ બીજા દિવસે સવારે માને સાંત્વના આપવા જતાવીરા દોડી આવેલાં. ભીખાએ કાકા હમીરભાઈને ઠપકો આપતાં તેણે મકાન ખાલી કરીને નહીં જાવ ત્યાં સુધી ત્રાસ આપતા રહીશું, થાય તે કરી લો તેમ નફ્ફટાઈથી જણાવેલું.

ભીખા કોલીએ આપેલી ફરિયાદના આધારે પોલીસે હમીર અને શકીના વિરુધ્ધ આત્મહત્યાના દુષ્પ્રેરણનો ગુનો નોંધીને તપાસ હાથ ધરી છે.