૧૨મી ફેબ્રુઆરીના રોજ બિદડા ગામે રહેતી યુવતીના પિતા સહિત ત્રણ જણાં જીતેન્દ્રભાઈને મળવા આવ્યાં હતાં. તેઓ નખત્રાણાની દેશલપર (ગુંતલી) ગ્રામ પંચાયતના તલાટીએ ઈસ્યૂ કરેલું લગ્નનું પ્રમાણપત્ર, દેશલપર ગામના શિવ મંદિરમાં ચોથી જાન્યુઆરીએ બિદડાના રાજેશ લધા સંઘારે બિદડાની યુવતી સાથે કરેલાં લગ્નની વિધિ પુરોહિત તરીકે પોતે કરાવી હોવાની દર્શન જોશીએ પોતાની સહી સાથે આપેલા લગ્ન સંસ્કાર પ્રમાણપત્ર, દર્શનના આધાર કાર્ડ વગેરે દસ્તાવેજ લઈને આવ્યાં હતાં.

પોતાના આધાર કાર્ડની નકલ કોઈને આપી હોવાનો પણ ફરિયાદીના પુત્રે ઈન્કાર કર્યો હતો. જે સહી કરાયેલી હતી તે ખોટી હતી. આ નકલી આધારો રજૂ કરીને પ્રેમ લગ્ન કરનાર રાજેશ સંઘારે ગ્રામ પંચાયતમાંથી લગ્ન નોંધણી પ્રમાણપત્ર મેળવ્યું હતું. પોલીસે રાજેશ સંઘાર સામે ગુનો નોંધી તપાસ શરૂ કરી છે.