બાતમીના આધારે નખત્રાણા પોલીસે શહેરના વિશ્વકર્મા માર્કેટમાં બાપા સીતારામ કોમ્લેક્સમાં આવેલી શિવ ઓમ શક્તિ ટી સ્ટૉલ મંગવાણા ચોકડી પાસે આવેલી મન્નત કોલ્ડ્રીંક્સ અને નખત્રાણાના ઓસીપી માર્કેટમાં આવેલી શિવશક્તિ ટી સ્ટૉલ પર દરોડા પાડીને ૧૦૦ એમએલની ૪૦ નંગ બોટલો અને ૪૦૦ એમએલની ૧૧૪ નંગ બોટલો કબજે કરીને પ્રોહિબિશન એક્ટની કલમો તળે ત્રણ ગુના દાખલ કર્યાં છે.

પોલીસે કુલ ૨૫ હજાર ૩૫૦ રૂપિયાની કિંમતની ૫૨ લીટરની બાટલીઓ કબજે કરીને જયેશપુરી ગુંસાઈ, મોહમ્મદ જાવેદ અબ્દુલગની ભટ્ટી અને નિકુલ કરસનગીરી ગોસ્વામી નામના ટી સ્ટોલ અને કોલ્ડ્રીંક્સના દુકાનદારો સામે ત્રણ જુદી જુદી ફરિયાદો દાખલ કરી છે. ત્રણેમાં સપ્લાયર તરીકે ગઢશીશાના શખ્સનું નામ દર્શાવાયું છે. પીઆઈ એ.એમ. પટેલે તપાસ હાથ ધરી છે.