ત્રણ જણાંને પોલીસે કારમાં બેસેલી હાલતમાં ઝડપેલાં જ્યારે નાસી ગયેલાં અન્ય બે જણને ગણતરીના કલાકોમાં દબોચી લીધા હતા.

SOGના તત્કાલિન પીઆઈ વિનોદ વી. ભોલાએ આ કેસની તપાસ કરીને કૉર્ટમાં ૩૧ દસ્તાવેજી પુરાવા અને ૧૦ સાક્ષીઓ સાથે ચાર્જશીટ રજૂ કરેલી. મુખ્ય જિલ્લા સરકારી વકીલ એચ.બી. જાડેજાએ કાયદાકીય જોગવાઈઓને ટાંકીને ધારદાર દલીલો સાથે પેરવી કરેલી.

કૉર્ટે NDPS એક્ટની કલમ ૮ (સી), ૨૨ (સી) અને ૨૯ હેઠળ પાંચેયને ૧૦ વર્ષની સખ્ત કેદ સાથે દરેકને બે-બે લાખ રૂપિયાનો દંડ ફટકાર્યો છે. તમામ દોષીઓ પંજાબના તરનતારન જિલ્લાના વિવિધ ગામના રહેવાસી છે. દોષીઓએ એકસંપ થઈને પોતાના અંગત આર્થિક ફાયદા ખાતર, યુવાનોને નિશાન બનાવી તેમને ગંભીર વ્યસનમાં ધકેલવાનું કૃત્ય સામાન્ય ગણી શકાય નહીં તેવી ટીપ્પણી સાથે કૉર્ટે આ ધાક બેસાડતો ચુકાદો આપ્યો છે.