તે સીધો અમ્પાયર ગનુભા સતુભા પઢીયાર પર ધસી આવ્યો હતો અને ગાળો બોલીને પટમાં પડેલો પથરો તેના ડાબા હાથ પર ફટકારી દીધો હતો. બેટીંગ કરી રહેલો જુવાનસિંહ ચનુભા પઢીયાર અમ્પાયર ગનુભાનો પિતરાઈ ભાઈ હતો. બબાલમાં જુવાનસિંહ અમ્પાયર ભાઈનું ઉપરાણું લઈને એહમદ પર બેટ વડે તૂટી પડ્યો હતો. માથા, હાથ અને પગમાં બેટથી ઈજા થતાં એહમદ મેદાન પર પડી ગયો હતો. સાથી ખેલાડીઓએ ૧૦૮ બોલાવી તેને સરકારી હોસ્પિટલમાં સારવાર માટે ખસેડ્યો હતો. એહમદે ગનુભા અને જુવાનસિંહ સામે તો જુવાનસિંહે એહમદ સામે મારામારીની ફરિયાદ નોંધાવી છે.