ગામમાં ફેરી કરીને છોટા હાથીમાં એકઠો કરેલો ભંગાર લઈ સાંજે તેમના વાડા પર આવેલાં.

આ વિસ્ફોટ એટલો ભયંકર હતો કે બંને ભાઈઓ સાથે ગાડી નજીક ઊભેલાં તેમના બે માસૂમ બાળકો હસનેન મામદ કુંભાર (ઉ.વ. ૩) અને નૂર ફાતિમા નૂરમામદ (ઉ.વ. સાડા ૩ વર્ષ)ના તત્કાળ મૃત્યુ નીપજ્યાં હતા.

ડીઝલની ટાંકીમાં કેવી રીતે બ્લાસ્ટ થયો તે અંગે પોલીસે તપાસ હાથ ધરી છે. કચ્છમાં ભૂતકાળમાં ભંગાર વાડાઓમાં લશ્કરના વણફૂટેલાં મોર્ટાર સેલ્સને ટીચવા જતાં આ પ્રકારના પ્રચંડ વિસ્ફોટ સાથે માનવ મૃત્યુ થયેલાં છે. ત્યારે, આ મુદ્દાને પણ વણી લઈને પોલીસે ગહન તપાસ હાથ ધરી છે. બનાવ અંગે પૂરતી પોલીસ તપાસ બાદ દુર્ઘટનાનું કારણ સ્પષ્ટ થશે.