મુંદરાના હેડ કોન્સ્ટેબલ રોહિતગીરી ગુંસાઈને બાતમી મળી હતી કે ભક્તિનગરમાં રહેતો દિનેશ બિરબલરામ ગુજ્જર (૨૬) અને દલારામ અમરારામ પરિહાર (૨૪ રહે. બંને સાંચોર, ઝાલોર, રાજસ્થાન) ડ્રગ્ઝનું છૂટક વેચાણ કરે છે. બેઉને રંગેહાથ પકડવા માટે પોલીસે એક નકલી ગ્રાહક ઊભો કર્યો હતો. બેઉ જણ પોલીસે બીછાવેલી જાળમાં સપડાઈ ગયાં હતાં.

આજે પરોઢે પાંચ વાગ્યે બેઉ જણે ડમી કસ્ટમરને ડ્રગ્ઝની ડિલિવરી લેવા માટે તેમના ઘરે બોલાવ્યો હતો. પોલીસે નક્કી કરેલી સાંકેતિક ઈશારા મુજબ બેઉ જણ ડ્રગ્ઝની ડિલિવરી આપવા માટે સંમત થતાં ડમી કસ્ટમરે તુરંત એક ખભે રહેલો રૂમાલ બીજા ખભે મૂકીને પોલીસને સૂચક ઈશારો કરી દીધો હતો. પોલીસે બંનેના ઘરની ઝડતી લેતાં ઘરના સેટી પલંગના ખાનામાં એક પ્લાસ્ટિકના ઝબલામાં ઝીપલૉકવાળી પ્લાસ્ટિકની પડીકીમાં રાખેલું કોકેઈન મળી આવ્યું હતું.

પોલીસે બંને સાથે સેન્ડી વિરુધ્ધ પણ ગુનો દાખલ કર્યો છે. દરોડાની કામગીરીમાં મુંદરા પીઆઈ આર.જે. ઠુંમર, એસઓજી પીઆઈ કે.એમ. ગઢવી, મુંદરા પીએસઆઈ એન.પી. ગોસ્વામી સહિતનો પોલીસ સ્ટાફ જોડાયો હતો.