રાત્રે આઠ વાગ્યા સુધી ઘરે પરત ના ફરતાં પરિવારજનોએ શોધખોળ હાથ ધરેલી. સાગર અને અપૂર્વના ત્રીજા મિત્રએ પરિચિતોને જણાવેલું કે સવારે અમે ટ્યુશન ગયેલાં. ત્યારબાદ ગૃપમાં કેનાલ પાસે ફરવા જવાનું પ્લાનીંગ કરેલું. મારે સામાજિક કામમાં જવાનું હોઈ મેં ના પાડેલી.

મોડી રાત્રે ભુજ નગરપાલિકાની ફાયર બ્રિગેડના લાશ્કરોએ રાત્રિના અંધકારમાં સર્ચ લાઈટ અને રસ્સાની મદદથી રેસ્ક્યુ ઓપરેશન હાથ ધર્યું હતું. મધરાતે વારાફરતી બેઉના મૃતદેહ મળી આવ્યાં હતા. બેઉ જણ ધોરણ ૧૧ અને ૧૨માં ભણતાં હતા અને અભ્યાસમાં ખૂબ તેજસ્વી હતા. બબ્બે ઘરના કુળદીપકો આમ અચાનક ઓલવાઈ જતાં બેઉ પરિવારો પર જાણે વજ્રાઘાત થયો છે. બનાવે સમગ્ર મુંદરા પંથકમાં અરેરાટી સર્જી છે.