પોતાને મૂળ રાજસ્થાનની વતની ગણાવતી પરિણીત ઋચિ તેના પતિ રાજેશ બંસીલાલ સોની સાથે અંજારના મેઘપર બોરીચીની એન્ટિકા ગ્રીન સોસાયટીમાં રહે છે. ઋચિ સાથે ફરિયાદીની મૈત્રી ગાઢ બનતી ગયેલી. ઋચિ તેના પતિ સાથે ફરિયાદીના ઘરે પણ અવારનવાર આવ-જા કરતી રહેતી. દોઢેક માસના મૈત્રીના સમયગાળા દરમિયાન ઋચિ ફરિયાદીને અવારનવાર કહેતી કે ‘મારા પતિનો ધંધો બરાબર ચાલતો નથી’

જૂન માસમાં અચાનક ઋચિએ ફરિયાદી પાસે દીકરીના ખર્ચ પેટે ૨૨ હજાર રૂપિયા માગીને પાછાં આપી દેવાનો વાયદો કરેલો. ફરિયાદીએ તરત તેની ઑફિસના માણસને મોકલી ઋચિને ઘરે રોકડાં રૂપિયા પહોંચતા કરેલાં. બસ, ત્યારપછી તો રૂપિયાની માંગણીનો સિલસિલો શરૂ થઈ ગયેલો. એકવાર ઘર ખર્ચ પેટે ઋચિએ ૧૫ હજાર મેળવેલા તો એકવાર ઋચિના પતિએ જણાવેલાં બેન્ક એકાઉન્ટમાં ફરિયાદીએ ૭૫ હજાર રૂપિયા ઓનલાઈન ટ્રાન્સફર કરી આપેલાં.

ઋચિની બર્થ ડે નિમિત્તે તેની માંગણી મુજબ ફરિયાદીએ ૨૬ હજારની સોનાની રીંગ, ૩૮ હજારની સોનાની ચેઈન અને ૫૫ હજારનું બ્રેસલેટ તેને ગિફ્ટ કરેલું. ઋચિ વખતોવખત જે ખર્ચાળ શોપિંગ કરતી તેના રૂપિયા ફરિયાદી ચૂકવતો. આ રીતે ફરિયાદીએ રોકડ પેટે ૧.૨૭ લાખ, ૧.૨૦ લાખના ઘરેણાં અને ૨.૧૯ લાખ શોપિંગના ખર્ચ પેટે મળીને કુલ ૪.૬૭ લાખ ઉડાવી દીધા હતા.

છ માસના સંબંધો એટલા ગાઢ બની ગયેલાં કે ફરિયાદીએ તેની પત્ની અને ઋચિના પતિ મનોજની સંયુક્ત ભાગીદારીમાં તુણા ખાતે બે લાખના બે પ્લોટ ખરીદેલાં, જેનો અસલ દસ્તાવેજ મનોજે પોતાની પાસે રાખી લીધો હતો.

ફરિયાદી તેની માંગણીને વશ થયો નહોતો. દરમિયાન, ગત એપ્રિલ માસમાં મનોજે ફરિયાદીને જાણ કર્યાં વગર તેમજ તેની પત્નીનો હક હિસ્સો આપ્યા વગર બારોબાર બંને પ્લોટના દસ્તાવેજ પોતાના એકલાના નામે કરાવી દેવા ટોકન મેળવ્યો હોવાની ફરિયાદીને જાણ થયેલી. કંટાળીને ફરિયાદીએ આદિપુર પોલીસ મથકે આ યુગલ સામે BNS સેક્શન ૩૧૬ (૨), ૩૧૮ (૪), ૩૫૧, ૩૦૮ (૨), ૫૪ ફરિયાદ નોંધાવી છે.