કુલદીપની અંગજડતી લેતાં તેના પેન્ટના ખિસ્સામાંથી ૧૪.૪૨ ગ્રામની કોકેઈનની પડીકી અને ૫૬૦૦ રોકડાં રૂપિયા મળી આવ્યા હતા.

તલાશી દરમિયાન એક ડિજીટલ પોકેટ વજનકાંટો, એક ટેબલેટ, એક મોબાઈલ ફોન મળી આવ્યાં છે. કુલદીપ ડ્રગ્ઝની છૂટક પડીકીઓ વેચતો હોવાની બાતમીના આધારે પોલીસે રેઈડ કરી હતી. પ્રાથમિક પૂછપરછમાં પોતે ડ્રગ્ઝ ક્યાંથી મેળવતો હતો તે અંગે કશું કહેવાનો આરોપીએ ઈન્કાર કર્યો હતો. પોલીસે ૩૨.૪૭ લાખનું ૩૨.૪૭ ગ્રામ કોકેઈન ક્રેક અને અન્ય મુદ્દામાલ જપ્ત કરી કુલદીપ સામે નાર્કોટિક્સ ડ્રગ્ઝ એન્ડ સાયકોટ્રોપિક સબસ્ટન્સીઝ (NDPS) એક્ટની કલમ હેઠળ ગુનો નોંધી તપાસ હાથ ધરી છે.