રાત્રિના  પોણા નવના અરસામાં નજીકના નુંધાતડ ગામનો મુબારક ઈશાક સુરંગી, શબ્બિર લાખા પઢિયાર અને આમદ જુસબ બુટ્ટા બાઈક પર આવ્યા હતા.

નાના ભાઈને માર ખાતો બચાવવા માટે ફરિયાદી વચ્ચે પડતાં આરોપીઓએ હત્યાના ઈરાદે તેમના માથામાં લાકડી ઝીંકી હતી. ફરિયાદીએ સ્વબચાવમાં હાથ આડો કરતાં ડાબા હાથની આંગળીમાં ફ્રેક્ચર થઈ ગયું હતું. આમદ બુટ્ટાએ પણ બેઉ ભાઈઓને ભુંડી ગાળો ભાંડી હતી.

સરહદી ગામોમાં વસતાં જાગૃત નાગરિકો જો એસઓજી કે પોલીસને કોઈ મહત્વની માહિતી આપતાં હોય અને તેની વિગતો જો આરોપીઓ સુધી લીક થઈ જતી હોય તો તે અત્યંત ગંભીર બાબત છે. કારણ કે, તેના કારણે આવા જીવલેણ હુમલા થઈ શકે છે અને એસઓજી પોલીસ પરનો ભરોસો ડગમગી શકે છે. આવા જીવલેણ હુમલા થાય ત્યારે કોઈ ભોજીયો ભાઈ પણ બચાવવા આવતો નથી તે સંદેશ પણ આ બનાવ પરથી પ્રતિપાદિત થાય છે. આ મામલે ઈન્ચાર્જ પીઆઈ નિર્મલસિંહ જાડેજાએ જણાવ્યું કે કેટલાંક આરોપીઓની અટક કરી લેવાઈ છે. તેમની પૂછપરછ અને બનાવની ગહન તપાસમાં વધુ વિગતો જાણવા મળશે.