ફરિયાદી ખેતરનો સારો ભાવ મળે તો વેચવા ઈચ્છતાં હતા. જેથી, મહેન્દ્રએ ફરિયાદીને અબ્દુલ રઝાક કાસમ સુમરા (રહે. ઉમિયાનગર, માંડવી) તેમનું ખેતર ખરીદવા ઈચ્છતો હોવાનું જણાવી બેઠક કરાવી હતી. ૨૯-૧૧-૨૦૨૧ના રોજ ૮૩.૫૩ લાખમાં ખેતરનો સોદો નક્કી થયેલો.

નક્કી થયેલા સોદા મુજબ મુંદરામાં આદર્શ ટાવર ખાતે આર.કે. મહેશ્વરી નામના વકીલ કમ નોટરીને ત્યાં અબ્દુલ સુમરા અને રાધાબેન વચ્ચે જમીન વેચાણ બાબતે સમજૂતી કરાર થયેલાં.

બાકીના ૫૮.૫૩ લાખ રૂપિયાના એપ્રિલ ૨૦૨૨ સુધીની જુદી જુદી મુદ્દતના ચાર પોસ્ટ ડેટેડ ચૅક લખી આપેલાં અને પૈસા ચૂકવવાની બધી જવાબદારી સ્વિકારી હતી.

ફરિયાદીએ અબ્દુલે લખી આપેલા ચારે ચેક બેન્કમાં વટાવતાં ચારે ચેક અપૂરતાં બેલેન્સના કારણે બાઉન્સ થયેલાં. તે ઘડીને આજનો દિવસ. ફરિયાદીની જમીનનો સોદો થઈ ગયો છે પરંતુ બાકીના રૂપિયા મળ્યાં નથી. મહેન્દ્રએ વિશ્વાસમાં લઈને સોદો કરાવેલો અને અબ્દુલે અંધારામાં રાખી વિશ્વાસઘાત કર્યો હોવાનું ફરિયાદમાં લખાવાયું છે.