બાતમીના આધારે લોકલ ક્રાઈમ બ્રાન્ચે મુંદરાના ધ્રબમાં આવેલા શ્રીરામ યાર્ડમાં દરોડો પાડીને અહીં રહેલા એક કન્ટેઈનરનું સીલ તોડી ચેક કરતાં તેમાંથી ૧.૨૯ કરોડના મૂલ્યનો ભારતીય બનાવટના વિવિધ બ્રાન્ડના વિદેશી શરાબની ૩૫૦૪ બાટલીઓ અને ૪૩ હજાર ૨૦૦ નંગ બિયર ટીનનો જથ્થો નીકળી પડ્યો હતો.

યુવરાજ અને જીતીયાના માલનું પરિવહન કરનાર નવુભા ખેતુભા જાડેજાએ તેના પ્લેટફોર્મ ટ્રેલરમાં આ કન્ટેઈનર અહીં લઈ આવેલો અને કલ્મારની મદદથી તેને નીચે ઉતારીને યાર્ડમાં રાખ્યું હતું.

આ રીઢા બૂટલેગરોનો એકાંતરા દિવસે કરોડોનો માલ પકડાઈ રહ્યો છે છતાં તેઓ તેમના નેટવર્ક મારફતે બિન્ધાસ્ત રીતે કચ્છમાં ટ્રકોની ટ્રકો ભરીને માલ ઠાલવી રહ્યાં છે.