જેમાં છરી જેવા તીક્ષ્ણ હથિયારથી થયેલાં સામસામા હુમલામાં ગંભીર ઈજાથી પ્રકાશ સુથાર અને જયરાજ સરવૈયાના મોત નીપજ્યાં છે. શંકરને ગંભીર હાલતમાં સારવાર માટે ખસેડાયો છે.  આજે સમી સાંજે મુંદરાના બારોઈ રોડ પર આવેલા સૂર્યાનગર સોસાયટી પાસે બનેલી હિંસક ઘટના અંગે મુંદરા પોલીસે ગહન તપાસ હાથ ધરી છે.

પોલીસ સૂત્રો પાસેથી મળતી વધુ વિગતો મુજબ જયરાજ સરવૈયા મુંદરામાં શાકભાજીનો વેપારી હતો. આદિપુરનો શંકર ઊર્ફે વિજય ગઢવી તેના વાહનોનું ડ્રાઈવીંગ કરતો હતો. જયરાજના પત્ની સાથેના આડા સંબંધો ધ્યાનમાં આવતાં યુગલ વચ્ચે  મતભેદો થયેલાં. છએક માસથી શંકર પત્નીને ત્યજીને આદિપુર રહેવા જતો રહ્યો હતો. તેની પત્ની એકલી સૂર્યાનગરમાં રહેતી હતી.