અનિરુધ્ધ સતત તેનો પીછો કરી હેરાન કરતો અને સંબંધ રાખવા દબાણ કરતો. ૨૦૨૨માં તેને કથિત રીતે પ્રેમજાળમાં ફસાવીને શારીરિક સંબંધ બાંધેલો.

એટલું જ નહીં, પીડિતાની મરજી નહોતી છતાં અનિરુધ્ધે તેને અમદાવાદ આવવા ફરજ પાડેલી. અનિરુધ્ધના મિત્રો ઈન્દ્રવદનસિંહ ઝાલા, કિશન ગઢવી, પ્રદિપસિંહ જાડેજા (રહે. મોટી ભુજપુર) અને વિરાટસિંહ (રહે. મોટા કપાયા)એ પણ અનિરુધ્ધનો પક્ષ લઈ તેની સાથે અમદાવાદ જવા ફરજ પાડી હતી. બનાવ અંગે મુંદરા પોલીસે પોક્સો, દુષ્કર્મ અને તેમાં મદદગારી બદલ અનિરુધ્ધ જાડેજા તથા તેના ચાર મિત્રો સામે ગુનો દાખલ કર્યો છે.

અંજારના મેઘપર બોરીચીના પરસોત્તમનગરમાં રહેતા નીતિન ભેમાજી ઠાકોર નામના યુવક સામે ગાંધીધામની ૨૮ વર્ષિય યુવતીએ દુષ્કર્મની ફરિયાદ નોંધાવી છે. યુવતીએ જણાવ્યું છે કે પાંચ છ મહિના અગાઉ તે નીતિનના પરિચયમાં આવેલી. નીતિને તેની સાથે લગ્ન કરવાની લાલચ આપેલી. બાદમાં તેની જોડે મારકૂટ કરી, બળજબરીપૂર્વક શારીરિક સંબંધ બાંધેલો અને જાનથી મારી નાખવાની ધમકી આપેલી. અંજાર પોલીસે ગુનો નોંધી તપાસ હાથ ધરી છે. દરમિયાન, અંજાર પોલીસ મથકે એક કિશોરીને પ્રેમજાળમાં ફસાવી યુવક અપહરણ કરી ગયો હોવાની બીજી ફરિયાદ પણ દાખલ થઈ છે.