આ સિદ્ધિ અદાણી પોર્ટસના વિકાસમાં એક વિશેષ ક્ષણ છે અને તે ભારતના ઇન્ફ્રાસ્ટ્રક્ચર આધારિત પરિવર્તનની વધતી તાકાતને રેખાંકિત કરે છે. આ ના કેવળ માત્ર એક સિદ્ધિ છે પરંતુ તે અદાણી જૂથની લાંબા ગાળાની પ્રતિબદ્ધતા, ઓપરેશનલ શિસ્ત અને રાષ્ટ્રીય હેતુ પર આધારિત વિશ્વકક્ષાના લોજિસ્ટિક્સ પ્લેટફોર્મનો ઉદય દર્શાવે છે.

ગૌતમભાઈએ ઉમેર્યું કે હું કેન્દ્ર અને રાજ્ય સરકારોનો પણ હૃદયપૂર્વક આભાર વ્યક્ત કરું છું, તેમની નીતિઓ અને ઇન્ફ્રાસ્ટ્રક્ચર પ્રત્યેની પ્રતિબદ્ધતાએ અદાણી પોર્ટસના વિકાસનો પાયો બનાવ્યો છે. આ સિધ્ધિ ભારતની વિકાસ ગાથા પર અમારા દાયકાઓના વિશ્વાસનો સંકેત છે.

ઉલ્લેખનીય છે કે અદાણી પોર્ટસને પ્રથમ ૧૦૦ મિલિયન મેટ્રિક ટન સુધી પહોંચવામાં ૧૬ વર્ષ લાગ્યા હતા. આ સિધ્ધિ તેના પ્લેટફોર્મના વધતા સ્કેલ, કાર્યક્ષમતા, સ્થિરતા અને વ્યૂહાત્મક ઊંડાણને દર્શાવે છે.

આ માઈલસ્ટોન સાથે અદાણી પોર્ટસ ૨૦૩૦ સુધીમાં ૧ બિલિયન ટન કાર્ગો હેન્ડલિંગના પોતાના આગલા મોટા લક્ષ્ય તરફ મક્કમપણે આગળ વધી રહ્યું છે. વર્તમાન કાર્ગો હેન્ડલિંગ ક્ષમતા ૬૩૩ મિલિયન ટન પ્રતિ વર્ષ સાથે, એપીએસઈઝેડ ભારતના કુલ પોર્ટ વોલ્યુમના આશરે ૨૮% હિસ્સો ધરાવે છે અને ૨૦૩૦ સુધીમાં ૧ બિલિયન ટન થ્રુપુટનું લક્ષ્ય રાખે છે.