આ કાર્યક્રમ ગામ અને અદાણી ફાઉન્ડેશન વચ્ચેના સહકાર અને વિકાસની મજબૂત ભાગીદારીનું ઉત્તમ ઉદાહરણ બન્યો છે. આ પ્રસંગે નાના કપાયા, બોરાણા જૂથ પંચાયતના સરપંચ જખુભાઇ મહેશ્વરીએ રક્ષિતભાઈનું સન્માન કર્યું હતું.

ગામના અગ્રણી નાગશીભાઈ ગઢવીએ આ કાર્યને ગ્રામજનો માટે ખૂબ ઉપયોગી ગણાવ્યું હતું તેમજ અત્યાર સુધી અદાણી ફાઉન્ડેશન દ્વારા કરાયેલા વિવિધ કાર્યો માટે ગ્રામજનો અને પંચાયત તરફથી પણ આભારની લાગણી વ્યક્ત કરી હતી. કાર્યક્રમમાં ગામનાં ઉપ સરપંચ પ્રફુલાબા ઝાલા, મુંદરા તાલુકા પંચાયત સામાજિક ન્યાય સમિતિના ચેરમેન ગીતાબેન સોધમ, કપાયા મહેશ્વરી સમાજના પ્રમુખ સામજીભાઈ સોધમ, ગઢવી સમાજના પ્રમુખ રામભાઈ ગઢવી, ગ્રામ પંચાયત સભ્ય સકુરભાઈ સુમરા, અદાણી ફાઉન્ડેશન મુંદરા સી.એસ.આર હેડ કિશોરભાઈ ચાવડા, ગ્રામ પંચાયતના તમામ સભ્યો, ગ્રામજનો, અદાણી ફાઉન્ડેશનના અધિકારીઓ  તેમજ સ્ટાફગણ ઉપસ્થિત રહ્યાં હતા. કાર્યક્રમનું સંચાલન નાના કપાયા વાડી વિસ્તારના આચાર્ય અર્જુનભાઈએ કર્યું હતું અને આભારવિધિ અદાણી ફાઉન્ડેશનના પ્રતિનિધિ કરસનભાઈ ગઢવીએ કરી હતી.