મુંદરાના ચાર સેવાભાવી લોકો કપિલ ગોર, હરિનાથ નાથબાવા, મુકુંદનાથ નાથબાવા અને સાવનગિરિ ગોસ્વામી હસ્તક યાત્રાનું સંચાલન સૂત્ર છે. આ ચારે યાત્રી એકતા, ભક્તિ અને સમાજસેવાની પ્રતિબદ્ધતાનું જીવંત ઉદાહરણ પૂરું પાડી રહ્યા છે. યાત્રાના મુખ્ય આકર્ષણ તરીકે ભારતના બાર જ્યોતિર્લિંગો અને ચાર ધામોના દર્શન સાથે નેપાળમાં આવેલ પશુપતિનાથ મંદિરના દર્શનનો સમાવેશ કરવામાં આવ્યો છે. આ આદ્યાત્મિક યાત્રાનું અદાણી પોર્ટ ખાતે જ સમાપન થશે.

આ મહાયાત્રા આદ્યાત્મિક્તા સાથે પર્યાવરણ સુરક્ષાનો પણ મજબૂત સંદેશ ફેલાવશે. યાત્રા દરમિયાન ‘નો પ્લાસ્ટિક સેવ નેચર’ના સંદેશ સાથે દેશની જનતાને પ્લાસ્ટિકનો વપરાશ ઘટાડવા, સ્વચ્છતા અને પર્યાવરણ સંરક્ષણ અંગે સંદેશ અપાશે.

તેમાં ૧ લાખથી વધુ ભક્તોએ ભાગ લીધો હતો. પ્લાસ્ટિકનો વપરાશ ન થાય તે માટે કથા દરમિયાન પ્રસાદી માટે પરંપરાગત સ્ટીલના વાસણો, છાસ અને પાણી માટે માટીના કુલડાંનો ઉપયોગ કરાયેલો. આ યાત્રા ભક્તિ, સંસ્કૃતિ અને પર્યાવરણ સંરક્ષણના અનોખા સંયોજનનું પ્રતીક બનીને સમગ્ર દેશમાં પ્રેરણાનો સ્ત્રોત બને તેવી સૌએ અપેક્ષા દર્શાવી છે.