પોલીસ ખાતાની લાંબી સેવા કર્યાં બાદ ભુજના હુસેનભાઈ અબ્દ્રેમાન રાઠોડ ભુજના સંજોગનગરમાં ખ્વાજા ચોક પાસે નિવૃત્તિમય જીવન જીવી રહ્યાં છે. સોનાના ઘરેણાં પહેરવાના શોખીન રાઠોડભાઈ દરરોજ ૬ આંગળીઓમાં સોનાની ૬ વીંટી અને ગળામાં સોનાની ચેઈન પહેરે છે.

એક મહિના અગાઉ બરાબર ૧ જૂલાઈની રાતે તે નિત્યક્રમ મુજબ ઘરમાં સૂઈ ગયેલાં. સૂતાં પહેલાં દાગીના કાઢીને કોથળીમાં રાખેલાં. તેની સાથે ૩૧૦૦ રોકડાં રૂપિયા ભરેલું પર્સ પણ રાખેલું.

હુસેનભાઈએ પોતાની રીતે ઘરેણાં અને ચોરને શોધવા તપાસ કરેલી પરંતુ ના મળતાં ૫ જૂલાઈના રોજ ભુજ એ ડિવિઝન પોલીસ મથકે ફરિયાદ નોંધાવવા પહોંચેલાં.

ભુજ એ ડિવિઝન પોલીસે તેમની અરજીના આધારે કેવી તપાસ કરી તે અલ્લાહ જાણે પરંતુ તપાસમાં કશો શક્કરવાર ના વળતાં અંતે એક મહિનાના વિલંબ બાદ ગત રાત્રે અરજીના આધારે અજાણ્યા લોકો સામે ભુજ એ ડિવિઝન પોલીસે જખ મારીને ૧.૨૫ લાખની માલમતાની ચોરીનો ગુનો દાખલ કરવો પડ્યો છે.

ગુનાની તપાસ કરતી મહિલા પીએસઆઈ એચ.આર. મોરીએ બપોરથી લઈ રાત્રિ સુધી વારંવાર રીંગ કર્યા બાદ એકવાર ફોન ઉપાડીને જવાબ આપ્યો કે ‘હાલ અમે પંચનામું કરીએ છીએ’

પીઆઈ નકુમે અન્ય કેસોમાં અગાઉ પણ બેધડક રીતે ઉડાઉ જવાબ આપેલાં છે. માહિતીની ચોકસાઈ રાખ્યા વગર આવા જવાબદાર લોકો પોલીસ ખાતામાં મહત્વના પોલીસ સ્ટેશનોમાં ફરજ બજાવે છે તે જ એક મોટું આશ્ચર્ય છે!!