મુંદરાના નાયબ ઇજનેર એમ.આર. મોદીએ જણાવ્યું કે ‘આ કારખાનામાંથી સતત ત્રીજી વખત મોટી વીજ ચોરી પકડાઈ છે. અગાઉ ૨૦૧૮માં ૨૦ લાખની વીજ ચોરી પકડાયેલી, ગયા વર્ષે ૨૦૨૫માં ૮૦ લાખની વીજ ચોરી પકડાયેલી અને હવે ૧ કરોડ ૫ લાખની વીજ ચોરી પકડાઈ છે’ ૨૦૧૮માં વીજ ચોરી પકડાઈ ત્યારે વીજ જોડાણ નારાણ રૂડા મરંડના નામે બોલતું હતું. ત્યારબાદ વીજ જોડાણમાં નામ તબદિલ કરાયેલું અને હાલ વીજ ગ્રાહક તરીકે શૈલેષ શામજીભાઈ આહીરનું નામ બોલે છે. શૈલેષ ભારુભાઈના પુત્રનો સાળો હોવાનું બહાર આવ્યું છે. ઉલ્લેખનીય છે કે મુળજીભાઈના ત્રીજા ભાઈ રણધીરના પુત્ર રીતેશની બુધવારે ભચાઉ પોલીસે અઢી કરોડની મીઠા ચોરીના ગુનામાં ધરપકડ કરી હતી.