પાછળથી પોતાની માનસિક સ્થિતિ સારી ના હોવાનું જણાવી કૉર્ટમાં કરેલી અરજી પરત ખેંચી લીધી હતી.

માધાપરની હોટેલમાં રોકાયેલી નાઈજીરિયાની પરિણિત મહિલા મેડિકલ વિઝા પર ભારતમાં આવેલી. વિઝાની મુદ્દત પૂરી થયાં બાદ તે પરત ગઈ નહોતી અને નકલી વિઝા બનાવ્યાં હતા. એટલું જ નહીં, પાસપોર્ટની મુદ્દત પૂરી થઈ ગયાં બાદ તેણે નકલી પાસપોર્ટ પણ બનાવ્યો હતો. પશ્ચિમ કચ્છ એસઓજીએ ૦૬-૧૨-૨૦૨૧ના રોજ તેની વિરુધ્ધ ગુનો દાખલ કરીને અટકાયત કરી હતી. આ કેસમાં ૦૩-૦૧-૨૦૨૩ના રોજ ગુજરાત હાઈકૉર્ટે તેને જામીન પર મુક્ત કરી હતી.

જામીનદાર અલીમામદ ખેરમામદ સુમરા પણ કૉર્ટમાં હાજર કરાવવામાં નિષ્ફળ રહ્યો છે. ભુજ સેશન્સ કૉર્ટે આરોપીની ગેરહાજરીમાં ટ્રાયલ ચલાવીને આજે ઈપીકો કલમ ૪૬૫ અને ૪૭૧ હેઠળ બે-બે વર્ષની સખ્ત કેદ સાથે પાંચ પાંચ હજારનો દંડ, પાસપોર્ટ એક્ટની કલમ ૩ અને ૧૨ હેઠળ બે-બે વર્ષની સખ્ત કેદ સાથે પાંચ પાંચ હજારનો દંડ તથા ફોરેનર્સ એક્ટની કલમ ૧૪ (એ) (બી) હેઠળ બે વર્ષની સખ્ત કેદ સાથે ૧૦ હજારના દંડની સજા ફટકારી છે.