૩૦મી ઑગસ્ટના રોજ ૨૨ વર્ષની યુવતી ગઢવી યુવક સાથે નાસી ગઈ હતી. પરિવારનો આરોપ છે કે પ્રેમી જ યુવતીને લલચાવી ફોસલાવીને ઘરમાં ચોરી કરવા માટે પ્રેરિત કરીને તેને ભગાડી ગયો છે.

આ અંગે કચ્છખબરે ગઢશીશાના પોલીસ સબ ઈન્સ્પેક્ટર જે.જે. રાણાને પૂછ્યું તો તેમણે ગોળ ગોળ ઉત્તર આપતાં જણાવ્યું કે ‘હા... હા.. એ ચાલુ છે’ જ્યાં સુધી પોલીસ ફરિયાદ ના નોંધે ત્યાં સુધી ધરણાં ચાલુ રહેશે તેમ મુસ્લિમ આગેવાનોએ જણાવ્યું છે. પોલીસે કાયદેસર રીતે ચોરી અંગેની ફોજદારી ફરિયાદ નોંધી, નિષ્પક્ષ તપાસ કરીને જે કોઈ વ્યક્તિ જવાબદાર હોય તેની સામે કાયદા મુજબ કાર્યવાહી કરવી જોઈએ. પોલીસની નીતિ રીતિથી પોલીસની ભૂમિકા સામે સહજપણે સવાલો સર્જાય છે.

ધરણાં પર ઉતરેલાં આગેવાનોમાં હાજી આદમ બી. ચાકી, હાજી ઇબ્રાહીમ હાલેપોત્રા, હાજી રમજાન ચાકી, મોહસીન હિંગોરજા, ઇકબાલ જત, અબ્દુલ રાયમા, અલીશાં બાવા સૈયદ, યાસીન ચાકી, રિયાઝ ચાકી વગેરેનો સમાવેશ થાય છે.