ગામના સરપંચ મહેન્દ્રસિંહ જાડેજાએ જણાવ્યું કે થોડાંક દિવસોથી શાળાના મુખ્ય શિક્ષક રજા પર હોઈ નજીકના બાંભડાઈની પ્રાથમિક શાળાનો શિક્ષક ભણાવવા માટે આવે છે.

બનાવ અંગે વાલીઓએ સરપંચને જાણ કરી હતી. સરપંચે જણાવ્યું કે બાંભડાઈમાં પણ અમે તપાસ કરાવી પરંતુ આ શિક્ષક ત્યાં પણ જોવા મળ્યો નથી, તેનો મોબાઈલ પણ બંધ થઈ ગયો છે. આ શિક્ષક અગાઉ બાંભડાઈમાં પણ તેના ‘લખ્ખણ’ ઝળકાવી ચૂક્યો હોવાનું સૂત્રોએ જણાવ્યું છે. ઘટના અંગે તાલુકા શિક્ષણાધિકારી કમલેશ ખટારિયાને જાણ કરાઈ ગઢશીશા પોલીસ મથકે ફરિયાદ અરજી અપાઈ છે. કાલે ગુરુવારે વાલીઓ ભુજ આવીને જિલ્લા પ્રાથમિક શિક્ષણાધિકારીને આ મુદ્દે રજૂઆત કરવાના છે.