યોગેશ દ્વારા સતત તેને સસ્તાં ભાવે કરાતી સોનાની ઑફરની જાળમાં આખરે શાહબાઝ ફસાઈ ગયો હતો.  ૧ જાન્યુઆરીના રોજ શાહબાઝ ભુજમાં જિલાનીનગર ખાતે યોગેશની ઑફિસે ડીલ માટે આવેલો.

નાણાં મેળવ્યાં બાદ યોગેશ અને હાજીએ હાલ પોલીસ ચેકીંગ ચાલું છે, તમે બોર્ડર ક્રોસ કરી દો એટલે માલની ડિલિવરી મળી જશે તેવા બહાના કરીને શાહબાઝને પરત રાજસ્થાન રવાના કરી દીધો હતો.

શાહબાઝ રૂપિયા લેવા પાછો ભુજ આવી રહ્યો હોવાનું જાણીને યોગેશ અને હાજીના ઈશારે આમદશા જુસબશા શેખ (ધમડકા)એ અહમેદના નામે શાહબાઝનો ફોન પર સંપર્ક કરીને, પોતે સમાધાન કરાવીને પૈસા પરત અપાવી દેશે પરંતુ વકીલની ઑફિસે તે અંગેનું લખાણ કરી આપવું પડશે તેમ કહી અંજાર બોલાવેલો. શાહબાઝને અંજાર બોલાવીને અહેમદે તેનો અસલી રંગ બતાડી, મુઢ માર મારીને મારી નાખવાની ધમકી આપી બળજબરીથી ૨૫ લાખ પરત મળ્યાં હોવાનું લખાણ લખાવડાવીને ૧ લાખ પરત આપી રવાના કરી દીધેલો.

તપાસમાં બહાર આવેલું કે યોગેશ નામ ધારણ કરનારો ખરેખર તો ભુજના શેખ ફળિયામાં રહેતો રીઢો ચીટર રમજુ કાસમશા શેખ છે જેની વિરુધ્ધ ભુજ બી ડિવિઝન અને માધાપરમાં ચીટીંગના બે ગુના મળી કુલ ચાર ગુના નોંધાયેલાં છે. હાજી અહેમદ નામ ધારણ કરનારો ભુજનો અનવરખાન આમદખાન પઠાણ અને અહેમદ બનનારો ધમડકાનો આમદશા શેખ હોવાનું સ્પષ્ટ થયું હતું. આમદશા પણ અગાઉ અંજારમાં ચીટીંગના એક ગુના અને સુરેન્દ્રનગરમાં અન્ય બે ગુના સહિત ત્રણ ગુનામાં પોલીસ ચોપડે ચીતરાઈ ચૂકેલો છે.

હવે અનવર ક્યાં સુધી ભાગતો રહે છે તે જોવું રહ્યું.