જેના પગલે એલસીબીની ટીમે ગેબનશાપીરની દરગાહ સામે આવેલા તેમના રહેણાકમાં દરોડો પાડી તપાસ હાથ ધરી હતી.

તપાસમાં દારૂ તો ના મળ્યો પરંતુ કબાટમાંથી એક દેશી તમંચો (કટ્ટો), ઈન્ડિયન ઓર્ડિનન્સ ફેક્ટરી સ્પેશિયલ લખેલો જીવતો કારતૂસ મળી આવ્યો હતો. બીજા કબાટમાં તપાસ કરતા તેમાંથી લાકડાના હાથાવાળી એરગન (પિસ્ટલ) મળી આવી હતી. સમગ્ર રહેણાકની સઘન તલાશી લેવાતા પોલીસને ૩ ધારદાર છરીઓ, ૨ ધારિયા, એક કરવત, લોખંડના અલગ અલગ સાઈઝના ૯ નંગ પાઈપ, બે ધોકા વગેરે અન્ય હથિયારો મળી આવ્યાં હતા.

બેઉ ભાઈના કબજામાંથી મળેલા હથિયારો જપ્ત કરીને બેઉ વિરુધ્ધ એલસીબીએ માંડવી પોલીસ મથકે આર્મ્સ એક્ટ અને હથિયારબંધીના જાહેરનામાના ભંગની કલમો તળે સરકાર તરફે બેઉ ભાઈ અને સ્થળ પર હાજર ના મળેલા તેમના પિતા રઝાકમિયાં સામે ફરિયાદ નોંધાવી બેઉની ધરપકડ કરી છે.

આ સફળ કામગીરીમાં એલસીબીના પીએસઆઈ એમ.એચ. શિણોલ, એએસઆઈ દેવજીભાઈ મહેશ્વરી, સૂરજ વેગડા, હેડ કોન્સ્ટેબલ લીલાભાઈ દેસાઈ, રાજેશ ગઢવી વગેરે જોડાયાં હતા.