ફોન કરનારે પોતે એક્સિસ બેન્કમાંથી બોલતો હોવાની ખોટી ઓળખ આપીને ‘ક્રેડિટ કાર્ડની લિમિટ વધારવા ઈચ્છો છો?’ તેમ પૂછેલું. ફરિયાદીએ હા પાડતાં ગઠિયાએ પોતે એક લિન્ક મોકલતો હોવાનું જણાવીને તે લિન્ક ક્લિક કર્યાં બાદ ક્રેડિટ કાર્ડની લિમિટ વધી જશે તેમ જણાવેલું.

થોડીક જ મિનિટ બાદ ડૉક્ટરના બેન્ક ખાતામાંથી ક્રેડિટ કાર્ડ મારફતે ૧.૯૭ લાખનું ટ્રાન્ઝેક્શન થઈ ગયેલું. પોતે ઓનલાઈન સ્કેમર્સનો ભોગ બન્યો હોવાનું પામીને ડૉક્ટરે તાકીદે બેન્કમાં જઈને ક્રેડિટ કાર્ડ બ્લોક કરાવી દઈને ઓનલાઈન સાયબર ક્રાઈમ પોર્ટલ પર ફરિયાદ નોંધાવેલી. માંડવી પોલીસે આજે અજાણ્યા મોબાઈલ કૉલર સામે વિધિવત્ ફોજદારી ફરિયાદ નોંધી તપાસ શરૂ કરી છે.