ખાટલા ભવાની મંદિરના પૂજારી ચિંતનકુમાર ઈન્દ્રકુમાર પટેલ (ઉ.વ. ૩૪, રહે. મૂળ ગેરીતા, વિજાપુર, મહેસાણા)એ અંગત વપરાશ માટે ગાંજાના છોડ વાવ્યાં હોવાની બાતમીના આધારે ગત મોડી સાંજે SOGએ રેઈડ કરી હતી. પોલીસની પ્રાથમિક પૂછપરછમાં પૂજારી ચિંતન પટેલે જણાવ્યું કે મંદિર પરિસરમાં અવારનવાર ગાંજાની ચિલમ પીવાના બંધાણી અજાણ્યા સાધુ સંતો આવતાં હોઈ તેમાંથી કોઈકે ગાંજાના બીજ ક્યારામાં નાખ્યાં હતાં. આવા બંધાણી સાધુ સંતોના વપરાશ હેતુ તેણે ગાંજાના છોડ વાવ્યાં હતાં. ચિંતન પટેલ વિરુધ્ધ દયાપર પોલીસ મથકે NDPSની કલમો તળે ગુનો નોંધાવાયો છે. કાર્યવાહીમાં પો.ઈ. વિનોદ વી. ભોલા, પો.સ.ઈ. પી.પી. ગોહિલ તથા સ્ટાફ જોડાયો હતો.