પોલીસ તપાસમાં બહાર આવ્યું હતું કે મધરાત્રે કિશોરીને બાઈક પર બેસાડીને કરસન નખત્રાણાના મોસુણા ગામની વાડીએ રહેતા તેના બહેન બનેવીના ઘેર લઈ ગયો હતો. જ્યાં તેણે શારીરિક સંબંધ બાંધ્યા હતા. ગુનામાં મદદગારી બદલ કરસનની બનેવી લધારામ ઈસ્માઈલ કોલી અને બહેન મંજુલાને પણ સહઆરોપી દર્શાવાયાં હતા.  

આજે ભુજની વિશેષ પોક્સો કૉર્ટના સ્પેશિયલ જજ જે.એ. ઠક્કરે કરસનને ભારતીય ન્યાય સંહિતાની કલમ ૩૭૬ (૩) હેઠળ ૨૦ વર્ષનો સખ્ત કારાવાસ અને ૨૫ હજારનો દંડ ફટકાર્યો છે. આ ઉપરાંત કૉર્ટે કલમ ૩૬૩ હેઠળ ૩ વર્ષની કેદ અને ૩ હજાર દંડ તથા કલમ ૩૬૬ હેઠળ પાંચ વર્ષની કેદ સાથે પાંચ હજારનો દંડ ફટકાર્યો છે.

ગુનાનો ભોગ બનનાર બાળાને દંડની રકમના ૩૩ હજાર રૂપિયા ઉપરાંત ચાર લાખ રૂપિયાનું વળતર ચૂકવવા DLSAને ભલામણ કરી છે. કેસમાં જિલ્લાના મુખ્ય સરકારી વકીલ એચ.બી. જાડેજા અને મૂળ ફરિયાદીના વકીલ બાબુલાલ ગોરડીયાએ દલીલો કરી હતી.