બેઉ પક્ષે સામસામી ફરિયાદો નોંધાવી છે. પોલીસે કુલ ૩૧ લોકો વિરુધ્ધ ફરિયાદ દાખલ કરી છે. એક જણને માથામાં ગંભીર ઈજા હોઈ પોલીસે હત્યાના પ્રયાસ સહિતની કલમો હેઠળ ગુનો દાખલ કર્યો છે.

ખીરસરા વિંઝાણમાં રહેતા અલ્તાફ મામદ હુસેન હિંગોરા (ઉ.વ. ૨૮)એ હત્યાના પ્રયાસ, રાયોટીંગ, લૂંટ, ગુનાહિત કાવતરું રચીને હુમલો કરવા સહિતની ભારેખમ કલમો તળે હનીફ જાકબ બાવા પઢિયાર, તેના ભત્રીજા હાફિઝ કાસમ પઢિયાર, ગફૂર પઢિયાર, અઝીમ પઢિયાર, સલીમ પઢિયાર, કારા મામદ સાડ (રહે. તમામ નુંધાતડ, અબડાસા) અને અન્ય પંદરેક અજાણ્યા સાગરીતો વિરુધ્ધ કોઠારા પોલીસ મથકે ફરિયાદ નોંધાવી છે. ફરિયાદમાં અલ્તાફે જણાવ્યું કે તેના પિતા મામદ હુસેનના નામની લીઝવાળી મિંયાણી ગામે સર્વે નંબર ૧૧૯વાળી જમીન પર બેન્ટોઈનાટની ખાણ આવેલી છે. ખાણની બાજુમાં અબ્દુલ કાદર જુસબ હિંગોરાની લીઝવાળી ખાણ આવેલી છે.

હમીદે આ અંગે તેના શેઠ હનીફ જાકબ બાવા પઢિયારને ફોનથી જાણ કરતાં થોડીકવારમાં હનીફ અને તેના ભત્રીજા સહિતના આરોપીઓનું ટોળું ત્રણ કાર અને જીપમાં ધોકા તથા પાઈપ જેવા હથિયારો સાથે ત્યાં આવી ચઢેલું. ‘આ રસ્તો બંધ થઈને જ રહેશે, તમારાથી થાય તે કરી લો, આજે તો તમને પતાવી જ દેવાના છે’ તેવું કહીને હનીફ અને તેના સાગરીતો ફરિયાદી અલ્તાફ અને તેના ભાઈ જાવેદ પર તૂટી પડેલાં.  

બેઉ ભાઈને પિતા અને ભાઈ રિયાઝે હુમલાથી બચાવીને ૧૦૮ મારફતે ભુજની જી.કે. જનરલ હોસ્પિટલમાં દાખલ કર્યાં હતા. હુમલામાં ફરિયાદીને પગમાં ફ્રેક્ચર અને મુઢ માર સહિતની ઈજા થઈ છે. જાવેદની હાલત ગંભીર છે અને ખાનગી હોસ્પિટલમાં ખસેડાયો છે.

બીજી તરફ, ફરિયાદી અલ્તાફ સાથે તેના ભાઈ જાવેદ અને રિયાઝ પિતા મામદ હુસેન, નાનાડો હિંગોરા તથા અન્ય પાંચ અજાણ્યા ઈસમો વિરુધ્ધ હિટાચી ચાલક હમીદ જાનમામદ હિંગોરાએ ગેરકાયદે મંડળી બનાવી હુલ્લડ મચાવીને ઘાતક હુમલો કરી ઈજા પહોંચાડવા સહિતની કલમો તળે વળતી ફરિયાદ નોંધાવી છે.

ઉલ્લેખનીય છે કે હનીફ જાકબ બાવા પઢિયાર વિરુધ્ધ બે અઢી દાયકા અગાઉ નકલી ચલણી નોટો સહિતના ગંભીર ગુનાઓ દાખલ થયા હતા. હિંસક જૂથ અથડામણના આ બનાવને જાણકારો અનેક પરિમાણોથી મૂલવી રહ્યાં છે.