ગત બીજી જૂનના રોજ આરોપી ગાડી લઈને ફરિયાદીના દંગા પર મચ્છી ભરવા આવ્યો હતો.

એક દોઢ કલાકે ગાડી ભર્યાં બાદ ફરિયાદીએ આરોપી પાસેથી પોતાનો ફોન પરત મેળવ્યો હતો. આ સમય દરમિયાન ફરિયાદીની જાણ બહાર અકબરે ફરિયાદીનું સીમકાર્ડ અન્ય કંપનીમાં તબદીલ (પોર્ટ) કરાવી લેતાં રાત્રે ફરિયાદીનું સીમ બંધ થઈ ગયેલું.

અઠવાડિયા બાદ ફરિયાદી નવો મોબાઈલ નંબર એક્ટિવેટ કરાવીને બેન્ક ખાતામાં લિન્ક કરાવવા ગયો ત્યારે તેને ખબર પડી હતી કે તારીખ ૬, ૭ અને ૮ જૂનના રોજ તેના બેન્ક ખાતામાંથી કુલ ૨૬ UPI ટ્રાન્ઝેક્શન મારફતે ટૂકડે ટૂકડે ૧.૩૭ લાખ રૂપિયા ઉપડી ગયા હતા અને આ નાણાં અકબર સત્તારના બેન્ક ખાતામાં જમા થયા હતા.

મુંદરામાં રહેતી યુવતી સાથે પોતાની સગાઈ તૂટી ગયાં બાદ, યુવતીની અન્ય યુવક સાથે સગાઈ થતાં ઉશ્કેરાયેલાં યુવકે પોતાના ફેસબૂક એકાઉન્ટ અને ઈન્સ્ટાગ્રામ પર યુવતીનું નકલી એકાઉન્ટ બનાવી તેના પરથી યુવતીના ભાવિ પતિને સગાઈ તોડી નાખવા માટે મેસેજ મોકલ્યાં હોવાની ફરિયાદ સાયબર ક્રાઈમ પોલીસ મથકે નોંધાઈ છે. યુવતીના પિતાએ જે આઈડી પરથી મેસેજ આવેલા તેના સ્ક્રીન શોટ સાથે ફરિયાદ નોંધાવી છે.