તેમનો નાનો ભાઈ મનજી વેલા રબારી નાની બહેન જીવતી તથા ફરિયાદીની સાત વર્ષની દીકરી સતીને મોટર સાયકલ પાછળ બેસાડીને પ્રાગપર જવા નીકળ્યો હતો. સતી જીવતીના ખોળામાં બેસી હતી.

ગંભીર રીતે ઘાયલ નાના ભાઈ મનજીને પ્રથમ સામખિયાળી, બાદમાં ગાંધીધામની ખાનગી હોસ્પિટલમાં સારવાર અપાઈ ભુજની ખાનગી હોસ્પિટલમાં દાખલ કરાયેલો. ગઈકાલે મંગળવારે સાંજે મનજીએ પણ સારવાર દરમિયાન કાયમ માટે આંખો મીંચી લીધી હતી. અકસ્માતમાં વાહનચાલક ભીખા અમરાભાઈ સોલંકી (રાજપૂત)ને પણ માથામાં ઈજાઓ થઈ હતી. પોલીસે ભીખાભાઈ સોલંકી સામે ગુનો નોંધી તપાસ હાથ ધરી છે.

નખત્રાણા તાલુકાના રસલિયા ગામે થ્રેસરમાં મગફળી (ભૂતડી) નાખતી વખતે થ્રેસરચાલકે મગફળી ખાલી કરવા ઊંચુ કરેલું બકેટ વીજ લાઈનને સ્પર્શી જતાં ચાર ખેતમજૂર મહિલાઓને જોરદાર કરંટ લાગ્યો હતો, જેમાં એક મહિલાનું મૃત્યુ નીપજ્યું હતું. બનાવ અંગે મૃતક હાજરાબાઈના પતિ અબ્દુલ સાલેમામદ કુંભારે નોંધાવેલી ફરિયાદના આધારે નખત્રાણા પોલીસે થ્રેસરના ચાલક વિરુધ્ધ સાપરાધ માનવવધ સહિતની કલમો તળે ગુનો નોંધ્યો છે. અબ્દુલે જણાવ્યું કે દુર્ઘટના ૧૬ નવેમ્બરે રસલિયામાં કિરણભાઈ ભાવાણીની વાડીએ ઘટી હતી.