બીજી તરફ, પૂર્વ કચ્છ પોલીસે ગાંધીધામના ધીરજ પ્રેમજી ધેડા અને વિજય ઊર્ફે વિકી શંકરભાઈ ચંદે નામના બે બૂટલેગરોને પાસા હેઠળ અમદાવાદ તથા સુરતની જેલ ધકેલી દીધાં છે. ધીરજ સામે દારૂબંધીને લગતાં ગાંધીધામ બી ડિવિઝન, કંડલા અને સામખિયાળી પોલીસ મથકે કુલ ૮ ગુના નોંધાયેલાં છે. વિજય ચંદે વિરુધ્ધ ગાંધીધામ બી ડિવિઝનમાં દારૂબંધીના બે ગુના નોંધાયેલાં છે. બંને જિલ્લામાં લોકલ ક્રાઈમ બ્રાન્ચ દ્વારા પાસાની દરખાસ્ત અને તેના અમલીકરણનું સુપરવિઝન કરવામાં આવ્યું છે.