ઘટના અંગે જાણકારી મળતાં બોર્ડર સિક્યોરીટી ફોર્સ, ઈન્ડિયન એરફોર્સ, પોલીસ સહિતની એજન્સીઓ સ્થળ પર દોડી ગઈ હતી અને એરફોર્સે તૂટી પડેલાં પાર્ટસનો કબજો મેળવીને તપાસ શરૂ કરી છે.

જે સ્થળેથી આ ડ્રોન મળ્યું તે આંતરરાષ્ટ્રીય સીમાથી દૂર છે. હાલ બોર્ડર પર સુરક્ષા એજન્સીઓ હાઈ એલર્ટ પર છે. ભારતીય હવાઈ સીમાની અંદર પાકિસ્તાનનું ચકલું પણ ફરકે તો એજન્સીઓની નજરે તુરંત  ચઢી જાય છે અને એજન્સીઓ હરકતમાં આવી જાય છે.

ઉલ્લેખનીય છે કે ૨૬ ફેબ્રુઆરી ૨૦૧૯ના રોજ ભારતે પાકિસ્તાનના બાલાકોટમાં એર સ્ટ્રાઈક કર્યાની પરોઢે અબડાસાના નુંધાતડ નજીક આ જ રીતે એક સંદિગ્ધ ડ્રોન તૂટી પડ્યું હતું. આ ડ્રોન કોનું હતું અને કેવી રીતે તૂટી પડેલું તે અંગે આજ દિન સુધી કોઈ સત્તાવાર વિગતો જાહેર કરાઈ નથી.