આ ગુનામાં આરોપીઓને પકડવા માટે એસઓજી, એલસીબી અને કોઠારા પોલીસની અલગ અલગ ટીમોએ સંયુક્ત રીતે સ્પેશિયલ કોમ્બિંગ હાથ ધરેલું. ૩૦ જાન્યુઆરીના રોજ લોકલ ક્રાઈમ બ્રાન્ચે ૮ આરોપીઓની ધરપકડ કરી હતી, પરંતુ હનીફ હાથમાં આવ્યો નહોતો.

કોમ્બિંગ દરમિયાન હનીફના રહેણાકમાંથી ભારતીય સૈન્ય દ્વારા ઉપયોગમાં લેવાય છે તેવા આબેહૂબ રંગરોગાન અને ઢાંચાવાળી જીપ્સી કાર મળી આવી હતી. GJ-12 FC-5249 નંબરની આ કારને પોલીસે જપ્ત કરી તપાસ કરાવતાં ચોપડા પર વાહન માલિક તરીકે ભુટો ઓસમાણ ગની પઢિયાર (રહે. નુંધાતડ)નું નામ સામે આવેલું. આ ગાડીને હનીફે પોતાના કબજા ભોગવટામાં રાખી હતી.

સામાન્ય રીતે, કોઈ પણ વ્યક્તિ આ પ્રકારે ભારતીય સૈન્યની હોય તેવા દેખાવ, રૂપ-રંગ, આકારનું વાહન ઉપયોગમાં લઈ શકે નહીં. આ જીપ્સીમાં મોડીફિકેશન કરવા માટે આરટીઓની પણ કોઈ પરવાનગી લેવાઈ નહોતી. આ મામલે બેઉ સામે સરકાર તરફે કોઠારા પોલીસ મથકે મોટર વેહિકલ એક્ટ, સેન્ટ્રલ મોટર વેહિકલ એક્ટ તથા ભારતીય ન્યાય સંહિતાની કલમો તળે ફરિયાદ નોંધાવી છે. હનીફ અને ભુટો બેઉ ફરાર છે. હનીફ ભૂતકાળમાં વિવિધ ગંભીર ગુનાઓમાં પોલીસ ચોપડે ચઢી ચૂકેલો છે.