ત્યારબાદ આરોપીના પિતાની અન્ય શહેરમાં ટ્રાન્સફર થઈ જતા તે પિતા જોડે અન્યત્ર રહેવા ચાલ્યો ગયેલો.

જેમાં આરોપીના ફોટા હતા અને BIOમાં લખેલું કે હર દૂસરી લડકી પૂછતી હૈ, (પીડિતા) કૌન હૈ..કીતના છૂપાઉં તેરે કો બીવી હૈ તુ મેરી. પીડિતાએ તેની ફ્રેન્ડ રિક્વેસ્ટનો અસ્વિકાર કર્યો હતો. ત્યારબાદ આરોપીએ પીડિતાના પ્રોફાઈલ ફોટોના આધારે ઈન્સ્ટા પર બીભત્સ નામ સાથેના ૧૨ જેટલાં આઈડી બનાવીને તેમાં ધમકીભરી ભાષા અને અશ્લીલ લખાણો સાથેના સંદેશાઓ પોસ્ટ કરીને પીડિતાને બદનામ કરવાનું શરૂ કરેલું.

પીડિતાએ એક અન્ય મિત્ર મારફતે આરોપીને સંદેશ મોકલી સમજાવટ કરવા પ્રયાસ કરતા પ્રિયાંશુએ પીડિતા પર બળાત્કાર કરી તેના શરીરના ટૂકડે ટૂકડાં કરી દેવાની ધમકી આપતો પ્રત્યુત્તર પાઠવેલો. તેની ધમકીથી ડરી ગયેલી પીડિતાએ પિતાને જાણ કરેલી. પિતાએ તેને સમજાવટ માટે ફોન કરતા આરોપીએ તેના પિતાની જોડે પણ ગાળાગાળી કરીને પીડિતાને મારી નાખવાની ધમકી આપેલી. એટલું જ નહીં, પીડિતાના પિતાને ઈ-મેઈલ કરીને પણ ધમકાવ્યાં હતા.

પ્રિયાંશુએ પોસ્ટ કરેલા અસંખ્ય અશ્લીલ અને ધમકીભર્યાં મેસેજ વાંચીને સાયબર ક્રાઈમ પોલીસ સ્ટેશનના અધિકારીઓના લોહી પણ ઉકળી ઉઠ્યાં છે. પોલીસે ભારતીય ન્યાય સંહિતાની કલમ ૭૫ (૩), ૭૮ (૨), ૭૯, ૩૫૧ (૩) અને IT Actની કલમ ૬૬-સી હેઠળ ગુનો દાખલ કરીને આરોપીને પકડી પાડી કાયદાનું ભાન કરાવવા કવાયત્ હાથ ધરી છે.