એમપીના ધારના વતની સુનીલ રામગોપાલ ભાયલ અને દિનેશ ભગવાન ભાયલ બેઉ આગલા દિવસે ૯૦ હજારની કિંમત સુધીની પોંચી બનાવવાનો ઓર્ડર આપવાના બહાને દુકાને રૂબરૂ આવીને રેકી કરી ગયેલાં.

હુમલા બાદ બેઉ જણ કચ્છ છોડીને ફરાર થઈ ગયેલાં પરંતુ ટેકનિકલ અને હ્યુમન સર્વેલન્સના આધારે LCBના PSI એમ.એચ. શિણોલ, ASI સુનિલ પરમાર, HC રણજીતસિંહ અને જયદેવસિંહ જાડેજાની ટીમ બેઉને ઈન્દોરથી ભુજ પકડી લાવી છે.

ગાંધીધામના ટ્રાન્સપોર્ટરને ૬૧.૩૭ લાખનો ચૂનો ચોપડી વતન રાજસ્થાન ફરાર થઈ ગયેલાં ચીટરને ગાંધીધામ બી ડિવિઝન પોલીસ રાજસ્થાનના સિકરથી પકડી લાવી છે. પોલીસે પકડેલા નવરતન મહેશ ભાખરા સહિત કુલ ૭ આરોપી સામે ૧ વર્ષ ૧૦ મહિના અગાઉ ૩૧-૦૮-૨૦૨૪ના રોજ ગાંધીધામ બી ડિવિઝન પોલીસ મથકે એચ.ટી. લોજિસ્ટીક્સ નામની ટ્રાન્સપોર્ટ પેઢી ધરાવતા હરબંસ શર્માએ ફરિયાદ નોંધાવેલી. શર્માની પેઢીમાં નવરતન ઓર્ડર મુજબ અન્ય ટ્રાન્સપોર્ટરોની ગાડીઓની વ્યવસ્થા કરીને તેમાં માલ લોડ કરાવવાની કામગીરી સંભાળતો હતો.

ફરિયાદીએ ઊંડાણપૂર્વક તપાસ કરતાં આ લોકોએ ૨૦૨૦થી ૨૦૨૩ દરમિયાન કંપની જોડે વિશ્વાસઘાત અને ઠગાઈ કર્યા હોવાનું સ્પષ્ટ થયેલું. બી ડિવિઝન PI એસ.વી. ગોજીયા અને PSI એલ.એન. વાઢિયાના માર્ગદર્શનમાં પોલીસ સ્ટાફે નવરતનને રાજસ્થાનથી ઝડપી પાડી કાયદાનું ચૌદમું રતન બતાડ્યું છે.