સોમવારે મધરાત્રે પેટ્રોલીંગમાં રહેલી LCBને બાતમી મળી હતી કે બેલામાં રહેતો કાનાજી વજાજી ઝાલા નામનો યુવક GJ-12 FC-9210 નંબરની બ્લેક વેન્યૂ કારમાં દારૂ ભરી લાવ્યો છે અને ગાડી હાલ ગામના પાદરે રૂંભરાઈ તળાવના કાંઠે ઝાડી ઝાંખરામાં છૂપાવી રાખી છે.

રાતના અંધારામાં ખેતરોમાં ગાડી ફસાઈ જતાં બેઉ જણ કારમાંથી બહાર નીકળી નાસવા માંડેલાં.

કારની તલાશી લેતાં તેમાંથી ૧.૬૧ લાખની મૂલ્યના રોયલ ક્લાસિક વ્હિસ્કીના ૧૮૦ એમએલના ૧૩૪૪ પ્લાસ્ટિક પાઉચ (ટેટ્રા પૅક) તથા ૬૮ હજાર ૬૪૦ રૂપિયાની કિંમતની એઈટ પીએમ બ્રાન્ડ વ્હિસ્કીની ૧૦૪ બોટલ મળી ૨ લાખ ૨૯ હજાર ૯૨૦ રૂપિયાનો શરાબ મળી આવ્યો હતો. બંને બ્રાન્ડનું ઉત્પાદન રાજસ્થાનની ડિસ્ટલરીમાં થયેલું છે.

પ્રાથમિક પૂછપરછમાં કાનાએ કબૂલ્યું કે નાસી જનારો શખ્સ જાટાવાડાનો અરવિંદ ભવાન રાજપૂત હતો.

કાર અરવિંદના કબજાની છે, નાસતી વખતે કારમાં તેનો મોબાઈલ ફોન ભૂલી ગયેલો પરંતુ કારની ચાવી સાથે લઈ ગયેલો. LCBએ દારૂ સાથે ૭ લાખની કાર, બે મોબાઈલ ફોન મળી ૯.૫૦ લાખનો મુદ્દામાલ કબજે કરી પ્રોહિબિશન એક્ટની વિવિધ કલમો તળે બાલાસર પોલીસ મથકે ફરિયાદ નોંધાવી છે. LCB પીઆઈ એન.એન. ચુડાસમા, પીએસઆઈ એમ.વી. જાડેજા સહિતનો સ્ટાફ દરોડામાં જોડાયો હતો.