ઘટનાની વિગત એવી છે કે માધાપરના ગાંધી સર્કલ નજીક શિવમ્ પાર્ક પાસે ૨૨ વર્ષિય ફરિયાદી ઈશ્વર માંગીલાલ કાલબેલિયા (જોગી) રહે છે અને છેલ્લાં એક વર્ષથી તે ભંગારની હાથલારી ચલાવીને ગુજરાન ચલાવે છે.

‘તને વારંવાર કહું છું કે તું દારૂ મૂકી દે પણ તું દારૂ પીવાનું છોડતો જ નથી’ તે મતલબનો રેખાએ ભાઈ અર્જુનને વારંવાર ઠપકો આપ્યો હતો. ભાઈ-બહેનની બોલાચાલીમાં ઈશ્વરે પિત્તો ગુમાવ્યો હતો અને પત્ની રેખાને સટ્ટાક કરીને તમાચો મારી દીધો હતો.

સાળા બનેવીને લડતાં જોઈને ઈશ્વરનો કાકા રાકેશકુમાર વચ્ચે પડ્યો હતો. બરાબર આ જ સમયે અર્જુને બનેવી પર ઉગામેલી લોખંડની પાઈપનો પ્રહાર રાકેશના માથામાં થયો હતો અને રાકેશ સ્થળ પર ઢળી પડ્યો હતો.

ઘટના બાદ ઈશ્વર કાકાને લઈ જી.કે. જનરલ હોસ્પિટલે પહોંચ્યો હતો પરંતુ તબીબે સારવાર પૂર્વે રાકેશને મૃત જાહેર કરતાં તે ગભરાયો હતો. તબીબોએ પોસ્ટમોર્ટમ કરાવવા કરતાં ઈશ્વરે ઈન્કાર કરી દીધો હતો.

વતનમાં પહોંચ્યા બાદ સગાં વહાલાંઓને જાણ થતાં તેઓ દોડી આવ્યાં હતાં. સગાં વહાલાંઓએ મામલો હત્યાનો હોવાનું જણાવતાં ઈશ્વર તેમની જોડે પોલીસ મથકે પહોંચ્યો હતો. તેણે આપેલી વિગતોના આધારે ફાલના પોલીસે અર્જુન સામે હત્યાની કલમો તળે ઝીરો નંબરથી એફઆઈઆર નોંધી તેને માધાપર પોલીસ મથકે તબદીલ કરી હતી.

માધાપર પોલીસે બનાવ અંગે ગહન તપાસ શરૂ કરી છે. સૂત્રોના જણાવ્યા મુજબ આ બનાવમાં ખુદ ફરિયાદીની ભૂમિકા પણ શંકાના દાયરામાં છે અને તે પણ આરોપી બને તેવી શક્યતા છે.